大家都在看

主页 > A管生活 >兰桂坊再嬉戏Dining娜 >

兰桂坊再嬉戏Dining娜

2020-06-18 来源:http://www.95588js.com 832
(Presented by UnionPay)

 

香港人工作忙碌、生活节奏快,全世界都知,讲笑咁讲真係扬威国际,好似兰桂坊咁出名啊。可能就係因为生活太紧张,一有机会就想饮番杯、放鬆下。特别係喺中上环返工嘅朋友,无论係应酬、约同事定约朋友,对「老兰」更加唔会陌生。嗱,讲明先,我Dining娜绝对唔係喜爱夜蒲,不过同啲姐妹饮嘢,都离不开诺士佛台同兰桂坊㗎啦,Right?而近排兰桂坊啲餐厅、酒吧,又开始做Promo喇,咁我就不妨推介几间不时都会去嘅Bar俾大家,各有特色之余,无论约Friend定係Dating,都好啱Feel㗎。

 

Hard Rock Cafe

兰桂坊再嬉戏Dining娜

讲真,呢间我谂都唔使点介绍,喺正兰桂坊最当眼嘅位置,有Music Live Show、有露天位,有嘢食又有嘢饮,连T-shirt都有得卖,以酒吧嚟计真係好多元化。而且佢哋啲嘢食整得几有心机,唔係随随便便Bar Snack咁简单,有时有啲Set几有惊喜添㗎。如果好彩嘅话,仲有机会见到传说中好靓仔嘅韩系美男酒保,一路欣赏佢调酒,听下音乐、饮番两杯,係唔错嘅享受。

兰桂坊再嬉戏Dining娜
近排新惊喜之一,Set Lunch烧牛柳汉堡,烤肉眼配埋秘製Pesto Mayonnaise,矜贵嘅组合,啖啖都係满足。
兰桂坊再嬉戏Dining娜
都係新Set Lunch主菜,墨汁包食落特别香,个龙虾饼更加无得弹,炸得外脆内软,仲食到一粒粒弹牙龙虾肉,好正啊。
兰桂坊再嬉戏Dining娜
传说中嘅美男酒保,女士们可以多啲嚟,睇下撞唔撞到佢。

地址:中环德己立街55号LKF Tower地下

电话:2111 3777

网址: www.hardrock.com/cafes/hong-kong-lkf

 

HAVANA

兰桂坊再嬉戏Dining娜

讲位置呢,佢就比较隐蔽,因为係上楼舖,但论气氛一啲都唔输蚀!橙橙红红嘅装修,加埋墙上面好有Mood嘅相,真係有心机营造一个充满古巴风情嘅环境俾你。古巴除咗雪茄、老爷车、音乐出名,Mojito呢款鸡尾酒都係代表作,一定要试下。而每逢星期一,HAVANA仲会有英俊嘅外籍型男驻场开班,唔係教调酒,係教跳舞。听住热情嘅古巴音乐,欣赏大家浪漫起舞,真係别有一番风味啊。

兰桂坊再嬉戏Dining娜
一杯经典嘅Mojito,就係最古巴嘅味道。
兰桂坊再嬉戏Dining娜
香口惹味的烤鸡肉串,係鸡尾酒同好音乐嘅绝配。
兰桂坊再嬉戏Dining娜
无论係睇人学跳舞定係自己跟住跳,气氛都一流。

地址:中环德己立街21号The Plaza 4楼

电话:2851 4880

网址

 

Volar

兰桂坊再嬉戏Dining娜

我谂蒲开兰桂坊嘅朋友一定唔会陌生,因为Volar都有番咁上下历史,绝对係属于唔使多介绍嗰啲。不过老实讲,如果想认真倾下偈嘅,多数唔会嚟呢度,因为佢哋拣嘅音乐出名节奏感强,而且播得几大声㗎,配合番够晒动感嘅装修,係Match嘅,想郁动下、跳番Part舞嘅就啱晒。Volar久不久又会搞下Event,好似之前万圣节就搞咗个丧尸之夜,我就无去,不过应该都好热闹,下次有大节日记得留意下。

兰桂坊再嬉戏Dining娜
佢哋啲鸡尾酒都好高质㗎,有唔少果味同酒味并重嘅选择,就好似呢杯Lady Anxiety咁,抵俾个讚!
兰桂坊再嬉戏Dining娜
有俊朗嘅Bar Manager亲自调製鸡尾酒,感觉特别好饮。

兰桂坊再嬉戏Dining娜

地址:中环德己立街38-44号地库

电话:2810 1510

网址

 

Zinc

兰桂坊再嬉戏Dining娜

讲到呢间Zinc,我都係去过几次先发现,尖东嘅Ra係佢姐妹店。Ra係用埃及做主题嘅酒吧兼餐厅,室内设计好有特色,而Zinc都一样,虽然细间好多而且只卖酒,但装修一啲都唔马虎,正中间挂喺度个大钟已经够晒型,好有禅味,所以喺咁多间酒吧入面,呢度绝对係静静地倾偈嘅首选啊。

兰桂坊再嬉戏Dining娜

兰桂坊再嬉戏Dining娜

唔好以为呢度净係得嘢饮会好寡,鸡尾酒、啤酒、红白酒选择非常多,包你不醉无归。

 

地址:中环德己立街35号地下

电话:2868 3448

网址

 

后记

兰桂坊固然係多姿多采,最紧要係无论餐厅定酒吧,耐唔耐就会同银行Crossover下,搞下优惠,你谂下饮杯酒如果买一送一嘅话,抵好多㗎。近排好多间餐厅都同银联卡合作,唔止选择多,优惠嘅内容都层出不穷,原价有折、送嘢食、送嘢饮、买一送一乜都有。如果想知多啲,自己去睇睇啦。

详情



上一篇: 下一篇:
菲律宾申博太阳城_誉城平台注册|汇集最新资讯新闻|提供更便捷网站|网站地图 菲律宾申博官网备用网址_苹果版本亚洲必赢app 菲律宾申博官网备用网址_大赢家比分即时比分